വിവാഹം ക്ഷണിക്കാൻ പോകുന്നതിനിടെ അപകടം; തിരുവനന്തപുരത്ത് ഓട്ടോറിക്ഷ മറിഞ്ഞ് രണ്ട് പേർ മരിച്ചു

തിരുവനന്തപുരം: ഓട്ടോറിക്ഷ മറിഞ്ഞ് രണ്ട് പേർ മരിച്ചു. തിരുവനന്തപുരം വെള്ളറടയിലാണ് സംഭവം. പാറശ്ശാല സ്വദേശികളായ രാധാമണി, സുമ എന്നിവരാണ് മരിച്ചത്. വെള്ളറട കുരിശുമലയിൽ പതിനൊന്നാരയോടെ യാണ് അപകടമുണ്ടായത്. ഓട്ടോറിക്ഷ ഡ്രൈവർക്കും വണ്ടിയിൽ ഉണ്ടായിരുന്ന മറ്റൊരാൾക്കും പരിക്കേറ്റിട്ടുണ്ട്. ബന്ധു വീട്ടിൽ കല്യാണം ക്ഷണിക്കാൻ പോകുന്ന വഴി വണ്ടി നിയന്ത്രണം വിട്ട് മറിയുകയായിരുന്നു. മൃതദേഹം കാരക്കോണം മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്.